Утрински Весник
Економија

Закроено лозјето за св. Трифун во „Стоби“

Закроено лозјето за св. Трифун во „Стоби“

Велес 14 февруари 2020 (МИА) – По повод св. Трифун денеска беше направено закројување на виновата лоза во винаријата „Стоби“, која одбележува 11 години постоење.

-Овој ден за нас е посебен, на овие плантажи точно пред 11 години ја започнавме нашата винска приказна Стоби винарија. Денеска можеме да се пофалиме со пласман на домашните и светските пазари како Кина, САД, Русија и Европа. Самите награди и пофалници од еминентни вински критичари говорат за квалитетот на брендот, за кои сме на врвот заедно со нашиот тим, истакна сопственикот на винарија Стоби, Минчо Јорданов.

Винаријата исто така развива вински туризам преку вински тури, корпоративни услуги, специјални настани што ја издвојува од винариите од регионот.

-Нашата фамилија има визија за винаријата уште од самиот почеток се со цел денеска да се пофалиме дека годишно произведуваме 4,5 милиони литри висококвалитетно флаширано вино, од кое 70 отсто се извезува на странските пазари. Рамо до рамо сме со светските производители и тоа ни дава поттик постојано да инвестираме во иновации за производство на премиум, класик, традиционални и елитни вина за да бидеме конкуретни ширум светот, потенцира  Ана Јорданова, креативен директор во компанијата.

Изминататите 11 години Винарија  „Стоби“  учество на сите саеми, каде има освоено награди и признанија.ад/скс/

Извор: mia.mk

Можете да прочитате

Континуирана едукација и почитување на етичките и професионалните стандарди се клучни за статусот и развојот на сметководството

НБ и гувернерката Ангеловска-Бежоска избрани од ЕБОР за водачи на проектот за женско претприемаштво во Македонија

Битиќи: Во 2025 работна недела од 7 часа дневно во одредени сектори