Се обврзуваме да градиме независен и одговорен парламент, вистински дом на демократијата на сите граѓани, порача лидерот на СДСМ, Зоран Заев по повод конститутивната седница на новиот парламент којашто се одржува денеска.
„Нашиот парламент денеска ја одржува првата, конститутивна седница со учество на народните пратеници кои ја изразуваат волјата на граѓаните кои гласаа на парламентарните избори на 15 јули.
Денес се обврзуваме да градиме независен и одговорен парламент, вистински дом на демократијата на сите граѓани на Северна Македонија“, порача Заев.
