Лидерите на ЕУ 27 на самитот во Брисел се согласија да ги продолжат економските санкции воведени на Русија за уште шест месеци, поради интервенцијата на Москва во Украина, пренесува „Ројтерс“.
Портпаролот на претседателот на Европскиот совет, Чарлс Мишел, на „Твитер“ потврди дека земјите членки на ЕУ се согласиле да ги продолжат санкциите за Русија, откако блокот претходно ја осуди Москва за неисполнување на условите од мировниот договор во Минск.
Санкциите на ЕУ се однесуваат на рускиот енергетски, финансиски и вооружен сектор и досега беа продолжувани неколку пати.
