Турскиот претседател Реџеп Таип Ердоган ги повика Турците никогаш да не купуваат француски производи, додека тој повторно го критикуваше францускиот претседател Емануел Макрон за неговиот однос кон муслиманите.
Ердоган во саботата рече дека Макрон има проблем со муслиманите и дека му треба ментална проверка, што доведе до тоа Французите да го повлечат амбасадорот од Анкара.
Тој упати слични коментари следниот ден и денес, за време на говорот во Анкара, пренесува „Ројтерс“.
Овој месец, Макрон објави војна против исламистичкиот сепаратизам, за кој верува дека влијае на некои муслимански заедници во Франција.
