Неготино, 6 април 2020 (МИА) – Екологисти од неготинското здружение за заштита на природата „Ековита“ реагираат дека пластични шишиња ја преплавиле реката Вардар.
– Реката е надојдена поради обилните дождови и топењето на снегот од повисоките места. Овие фотографии направени близу Неготино јасно покажуваат дека на површина испливува нечија негрижа кон природата, нагласи претседателот на Здружението Сашко Тодоров.
Тој изрази надеж дека пандемијата и карантинот како превенција од коронавирус, барем малку ќе ги освестат луѓето дека треба да се обрне внимание на сопственото однесување. Прво заради себе, а потоа и за пошироката заедница. свд/мс/
