Самоубиствата се во пораст во Ирак во 2021 година, а повеќе од 700 луѓе си го одзеле животот, од кои 36,6 отсто се на возраст под 20 години, според денешното соопштение на ирачките власти, јавува Анадолија.
Портпаролот на ирачкото Министерство за внатрешни работи, Калид Ал-Мухана, изјави дека оваа година се самоубиле 772 лица, наспроти 663 самоубиства во 2020 година.
Тој рече дека околу 36,6 отсто од оние кои извршиле самоубиство се помлади од 20 години, според државната новинска агенција ИНА.
„ Mажите учествуваа со 55,9 отсто од самоубиствата во 2021 година, жените со 44,1 отсто“, рече Ал-Мухана.
