Во австриската провинција Корушка, причина за околу 20 отсто од заразите со коронавирус е новиот британски вид.
Досега во таа покраина се потврдени 28 случаи на инфекција со британскиот вид на коронавирус, а уште 70 случаи се испратени на секвенцирање поради сомневање за новиот вид.
Портпаролот на покраинската влада Герд Курат истакнува дека британскиот вид „влегол“ во Корушка, каде што претежно е присутен во Горна Корушка. Според него, инфекцијата се јавува првенствено во приватно опкружување.
На седницата на покраинскиот кризен штаб беше наведено дека проблемот е во тоа што заразените, кога се бара да ги наведат контактите, не сакаат да соработуваат, што го отежнува работењето на спречување на ширењето на новиот вид.
