Петре Шилегов ќе го полни ЈСП со нови 65 партиски кадри, обвини ВМРО-ДПМНЕ.
„Мрзеливиот Петре Шилегов немилосрдно продолжува да преполнува со партиски вработувања. Следуваат нови 65. Во безидејност и очекување на сигурен пораз на локалните избори во Град Скопје, СДСМ продолжува со превработувања во јавните претпријатија“, велат од партијата.
Од ВМРО-ДПМНЕ велат дека во во викенд-изданието на дневниот весник „Нова Македонија“ објавени се два огласи за вработување во ЈСП.
Според ВМРО-ДПМНЕ, едниот оглас е објавен за нови 39 вработувања, а додека на другиот се предвидени нови, како што велат од партијата, 26 партиски послушници.
