Утрински Весник
Свет

(Видео) Разбиена криминална група и уапсени над 200 луѓе во Австралија

(Видео) Разбиена криминална група и уапсени над 200 луѓе во Австралија

Австралиската полиција уапси повеќе од 200 лица ангажирани во организирана криминална група откако провалиле во шифрирана компјутерска апликација.

Апликацијата содржела речиси 25 милиони пораки за трговија со дрога, заговори и подготовки за убиства, соопштија денеска австралиските власти.

https://www.youtube.com/watch?v=0jv5lWPEujI

Во официјалното соопштение се наведува дека станува збор за заедничка акција на австралиската полиција и американскиот ФБИ, која започнала во 2018 година и во која биле приведени криминалци од Австралија, Азија, Јужна Америка и Блискиот исток, сите вклучени во глобалната трговија со дрога, пренесува „Ројтерс“.

„ Ние му зададовме тежок удар на организираниот криминал, што го почувствуваа криминалните организации ширум светот. Ова е пресвртна точка во историјата на спроведувањето на законот во Австралија”, изјави австралискиот премиер Скот Морисон.

Можете да прочитате

Рубио: УСАИД официјално е во фаза на затворање

Токио со видео создадено со ВИ се подготвува за можното будење на вулканот Фуџи

Израел тврди дека убил висок член на Исламска држава во Газа