Спроведовме попис по речиси 20 години, тоа е успех за граѓаните и државата, изјави пратеничката на СДСМ, Снежана Калеска-Ванчева.
„Ние како пратеници на СДСМ од самиот почеток сме конзистентни дека пописот е неопходен и пописот конечно мора да се случи и можам да кажам дека сме навистина задоволни затоа што успешно спроведен попис после 20 години, за прв пат комбиниран попис којшто се спроведе во ек на пандемија со сите заштитни протоколи и исклучително успешен кога 99 % ќе бидат попишани тоа е резултат со којшто не можат да се пофалат ни многу развиени европски држави“, рече пратеничката.
