Маргарет Кинан, 90-годишна жена од Велика Британија е прва личност во светот која медицински, односно надвор од пробната фаза, ја прими вакцината против Ковид-19, изработена од „Фајзер“ и „БиоНтек“.
Кинан, која е од Северна Ирска, изјави дека се чувствува привилегирана бидејќи во Универзитетската болница во Ковентри ја примила првата вакцина.
90-year-old Margaret Keenan is the first to receive the Pfizer/BioNTech vaccine, administered by Matron May Parsons, as UK’s mass vaccination programme begins https://t.co/3eBGv3RUsU pic.twitter.com/ltWAL8uDmr
— BBC Breaking News (@BBCBreaking) December 8, 2020
„Ова е најдобриот роденденски подарок што би можела да го посакам. Се радувам на времето коешто отсега ќе можам да го поминам со семејството и пријателите“, рече Кинан, која ја прими вакцината во 06:31 часот по локално време.
Велика Британија е прва западна земја што започна со имунизацијата на населението. Земјата нарача 40 милиони дози вакцина, доволни за помалку од една третина од популацијата.
Станува збор за дози од вакцината на „Фајзер“ и „БиоНтек“.
