Под водство и тесна соработка со нашиот стратешки партнер САД, посветени сме на плановите за постигнување на енергетска диверзификација и независност во енергетскиот сектор, посочи министерот за економија, Крешник Бектеши.
Како што информираат од ресорното министерство, за време на неговата официјална посета на САД, тој се сретнал со водечки личности во Белата куќа, како и во Стејт департментот.
Притоа, министерот упатил поддршка за геостратешките пристапи за енергетска независност и безбедност во целиот регион.
„САД и Северна Македонија се посветени на зајакнување на партнерството во транзиција и производство на обновливи извори на енергија“, нагласил македонскиот министер за економија.