Федералната порота во понеделникот го прогласи аренби пејачот Ар Кели за виновен на судењето за трговија со луѓе, изнуда и злоупотреба на малолетнички.
Поротниците на федералниот суд во Бруклин размислуваа повеќе од еден ден пред да гласаат за да го осудат 54-годишниот Кели по сите девет точки од обвинението, по шестнеделното судење на кое обвинителството го претстави како предатор кој ја користел својата слава речиси четврт век за да намамува жени и малолетни девојки во својата орбита за секс.
Кели ја спушти главата надолу додека се читаше пресудата, со лицето заштитено со бела маска.
Пејачот, чие полно име е Роберт Силвестер Кели, е еден од славните личности судени за врбување и сексуална злоупотрба на девојки, во екот на движењето #MeToo кое ги засили обвинувањата против него, иако таквите наводи го прогонуваа уште од раните 2000-ти.
