Поради ширењето на варијантата омикрон, Америка со заострени мерки за странските патници кои доаѓаат во Соединетите Држави, без разлика дали биле вакцинирани или не.
Во соопштението на Центарот за контрола и превенција на болести (ЦДЦ) вчера се потврди дека се работи на воведување правило сите патници кои пристигнуваат во САД да бидат тестирани за Ковид-19 ден пред да се качат во авионот, пренесува АП.
„Работиме на модификација на нашиот сегашен протокол за тестирање. Ревидираната верзија ќе го скрати времето потребно за тестирање за сите патници во меѓународниот воздушен сообраќај на еден ден пред поаѓањето во Соединетите Држави” – објави ЦНЦ.
Прецизните протоколи за тестирање сè уште се финализираат пред говорот на претседателот Џозеф Бајден за контрола на пандемијата во текот на зимскиот период најавен за утре, изјави висок претставник на американската администрација.
