Американскиот амбасадор во Организацијата за безбедност и соработка во Европа изјави дека во извештаите се наведува дека Русија планира да организира референдуми во средината на мај за спојувањето на Доњецк и Луганск, пренесува Би-би-си.
Американскиот амбасадор во Организацијата за безбедност и соработка во Европа, Мајкл Карпентер, тврди дека Русија наскоро планира да ги спои самопрогласените Доњецк и Лугански народни републики.
„Според последните извештаи, веруваме дека Русија ќе се обиде да ги спои Доњецката Народна Република и Народна Република Луганск“, изјави Карпентер за новинарите во Вашингтон.