Ресен, 27 март 2020 (МИА) – Градоначалникот на Општина Ресен, Живко Гошаревски, синоќа оствари посета на ЈЗУ Здравствен дом-Ресен и на дежурните од полициската станица во тој град.
Во ЈЗУ Здравствен дом-Ресен, Гошаревски оствари работна средба со директорката Сања Андоновска која го информира со активностите кои се превземаат и ќе бидат превземени во наредниот период, а се однесуваат на заштитата од вирусот Ковид-19.
Во текот на ноќта, градоначаланикот Гошаревски ги посети и трите полициски пункта во Ресен, на дежурните полициски екипи им додели заштитни маски и средства за дезинфекција и им се заблагодари за нивниот ангажман и преземени мерки од нивна надлежност. мт/ев/
