Жозе Мурињо би сакал да го продолжи престојот во Рим уште две дополнителни години. Тоа го посакува и раководството на Рома, па почнати се преговорите за продолжување на соработката до 2026 година.
Португалскиот стратег дојде во Рома од јули минатата година, со италијанскиот клуб ја освои Конференциската лига, по што римјаните се пласираа во Лига Европа.
Добрата атмосфера во клубот би можела да биде крунисана со нов договор за Жозе Мурињо. Актуелниот договор на Португалецот истекува во 2024 година, тој заработува околу седум милиони евра годишно. Новиот договор би бил продолжен до 2026 година.
Навивачите на Рома веруваат дека Мурињо е тренерот што може да го одведе тимот до скудето.
