Сообраќајот на државните патишта се одвивa непречено, по суви коловози.
Интензитетот на сообраќај на патните правци надвор од градските средини е зголемен.Зголемена фреквенција на возила има на ГП Богородица за излез од државата и ГП Табановце за влез во државата. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
