Украинските сили продолжуваат со одбранбените операции околу северните погранични населби во регионот Харков, изјави украинскиот претседател, Володимир Зеленски во вечерното обраќање до нацијата. „Нашите сили извршуваат контранапади и ја штитат украинската територија веќе втор ден“, рече Зеленски. Украинската војска претходно соопшти дека руските сили се задржани во пограничните села во „сивата зона“, додека Русија објави дека зазела пет локални населби. Ситуацијата, рече Зеленски, е особено напната во регионот на Доњецк, поточно во правец на Покровское, кај селата Семенивка и Нетаилова. Зеленски додаде дека попречувањето на руските офанзивни акции сега е задача број еден.
