Министерството за внатрешни работи информираше дека се направени сите потребни проверки по денешните дојави за бомби за училишта во Кавадарци.
„Утврдено е дека станува збор за лажни пријави. Од полициски службеници беа преземени мерки за безбедно евакуирање на училиштата и по извршени проверки утврдено е дека станува збор за лажни пријави“, соопшти МВР.
За заканите за поставени експлозивни направи во образовните установи полицијата беше информирана утрово во 7 часот. Заканите стигнале на електронските адреси на две средни и три основни училишта во градот.
