На завршната манифестација на проектот „Taste the waste“, што ќе се одржи денес во Младинскиот центар „Матично“, ќе бидат прикажани главните активности, достигнувања и исходи од проектот. Неговата примарна цел е да ја зајакне свеста за ефикасно управување со храната и да го редуцира отпадот.
Овој проект е поддржан од Европската Унија, а е координиран од „Гоу грин“ – Скопје, во партнерство со локалните организации „Маркт органик“ и „Биокосмос“.
Иницијативата има за задача да имплементира креативни методи за мерење и минимизирање на вишокот храна во малите и средни компании од угостителскиот и прехранбениот сектор во земјата, со што ќе послужат како примери за одржливост.
