Запленети се 150 килограми марихуана, и уапсени се три лица. При полициската акција, на регионалниот пат во близина на Свети Николе било запрено шлеп возило кое превезувало патнички автомобил полн со дрога.
Акцијата била реализирана на 26 јануари.
Одделот за сузбивање на организиран и сериозен криминал при МВР, по претходно добиени информации, го следел транспортот и навреме интервенирал. При контролата на возилото „опел комбо“, кое било шлепувано, полицајците пронашле осум торби со 50 пакувања марихуана, скриени во багажникот и на задната клупа.
Според истрагата, возилото било купено во Струга специјално за транспорт на дрогата, а потоа, поради тоа што не било во возна состојба, било ангажирано шлеп-возило за превоз до Скопје, а потоа и кон Свети Николе. Двајца од осомничените се движеле како „претходница“ во друго возило.
