Денеска попладне, во СВР Тетово е пријавено дека две лица додека изведувале градежни работи во тетовското село Шипковица се здобиле со тешки телесни повреди од кои починале.
„Денес во 15 часот и 45 минути во СВР Тетово пријавено е дека две лица додека изведувале градежни работи во тетовското село Шипковица, се здобиле со тешки телесни повреди од кои починале. Лекари од Итната медицинска помош констатирале смрт кај нив. Јавен обвинител и екипа од СВР Тетово вршат увид и се утврдуваат сите поединости поврзани со овој случај”, соопштуваат од СВР Тетово.
Загинатите се 63-годишниот А.А. од тетовското село Селце и 50-годишниот Џ.Ц., државјанин на Република Албанија, според СВР Тетово.
На местото на несреќниот случај присутни се и тетовските пожарникари и претставници од Државниот трудов инспекторат.
