Младиот Мартин Костов загина во сообраќајна несреќа во Слиема, на Малта, а неговото семејство вчера повика на донации со цел побрзо собирање на средствата за транспорт на телото од Малта во Македонија.
Сепак, по апелите, Почесниот конзулат на Малта во Mакедонија стапил во контакт со роднините на загинатиот и им било ветено дека конузлатот ќе обезбеди сѐ што е потребно за враќање на телото на младииот Мартин.
Конзулатот соопшти дека почесниот конзул, Кочо Анѓушев во телефонски разговор со семејството изразил длабоко сочуство и најавил дека покрај асистенцијата на Конзулатот, тој лично ќе даде и финансиска помош за семејството.
