Поранешниот национален координатор за Отворен Балкан, Марјан Забрчанец во објава на социјалните мрежи истакна дека во јули 2023 година Македонија ја активираше електронската и безконтактна М-Таг наплата на патарини во рамки на Отворен Балкан.
Забрчанец додава дека од тогаш не се презема ништи дополнително и прашува зошто овој сервис не се проширува и со други држави од опкружувањето
„Од тогаш до денес Македонија не мрдна со прст на темава, а Србија го проширува овој сервис и со Хрватска, Црна Гора и Грција. Целта е граѓаните побрзо и полесно да патуваат, да нема чекање, да нема колони и застој, особено за време на лето и викенди.Што прават нашите од ЈПДП?
Каде е “ефикасниот” Коце Трајановски? Зошто Македонија не го проширува М-Тагот со Грција, Црна Гора и Хрватска?
Кому му пречи поврзувањето со соседите? Кому му пречат безконтактни патарини за полесно и побрзо патување? Дали е ова намерна изолација или неспособност?“ прашува Забрчанец.
