Утрински Весник
Балкан

Забрането капење на голем дел од плажите во околината на овој грчки град поради појавата на мртви риби

Mrtvi Ribi.jpg

На голем дел од плажите што се наоѓаат источно и западно од поширокиот регион на грчкиот град Волос, забрането е капење поради појавата на мртви риби што се излеаја во морето.

Како што објавија грчките медиуми, крајбрежната служба од Волос донела одлука да се забрани капењето, поради вонредната појава и сè додека не добијат известување од надлежната Дирекција за води за лабораториска потврда дека водата е соодветна за капење.

Забраната важи од плажата Агрија на исток до плажата Агиос Георгиос на запад, дел во кој се вклучени десетици плажи во околината на Волос, кои до неодамна беа наградени со „Сини знамиња“ за квалитетот.

Веќе неколку дена во тек е чистењето на крајбрежјето во заливот Пагаситикос поради милионите слатководни мртви риби што од езерото Карла се излеаја во морето.

Можете да прочитате

Сопственикот и архитектот на хотелот во Турција кој се урна во земјотресот осудени на 18 години затвор

Семејно насилство во Белград: ја злоставувал мајка си, па и држел нож на грло

Курти ја обвини најголемата партија на косовските Срби дека го претставува Белград