Вчера во периодот од 17:00 до 1:00 часот полицијата спроведе засилена акција, со посебен акцент за преземање мерки за прекршоци што ги прават возачите на мотоцикл, при што се преземени вкупно 51 мерка.
Од нив, 7 санкции за возење без возачка дозвола, 25 мерки за управување мотоцикл без заштитна кацига, 3 мерки за управување мопед без положен испит за познавање на сообраќајните правила и прописи, 8 санкции за управување мотоцикл со несоодветна категорија, 2 мерки за минување со моторцикл на црвено светло, 3 мерки за незастанување на даден знак „стоп“ од униформиран полициски службеник.
Одземени се 2 мотоцикла поради измината важност на сообраќајната дозвола од над 6 месеци.
За време на сообраќајната контрола санкциинирани се и 104 други видови на сообраќајни прекршоци. Исто така, во текот на изминатата вечер контролирани се 8 угостителски објекти во координација со Државен пазарен инспекторат при што констатиран е 1 прекршок, легитимирани се 66 лица, а извршени се прегледи на лица 23 лица и 8 патнички возила.
