Тинејџерот на Барселона, Ламин Јамал го доби првиот повик од шпанската репрезентација за квалификацисите мечеви за ЕП 2024 против Грузија и Кипар.
16-годишниот Јамал успеа да обезбеди место во првиот тим на Барселона и импресионираше на стартот на новата сезона во Ла лига, посебно на мечот со Вилјареал, каде што имаше клучна улога во 4:3 победата. Тој имаше шанси да настапува за Мароко, но шпанската федерација прати повеќе важни официјални лица кои го убедија да ја прифати понудата.
Шпанија игра со Грузија во петок и доколку Јамал игра ќе стане најмладиот шпански репрезентативец со 16 години, 1 месеци 26 дена, рушејќи го рекордот на својот клупски колега, Гави, кој дебитираше на 17 години и 62 против Италија во октомври 2021.
„Се сретнавме со него во Барселона, и бидејќи постојано беше во младинските шпански репрезентации, знаевме дека може да игра и за нас. Ние го следиме нивото на играчот, не возраста и тој е подготвен да се натпреварува на највисоко ниво“, вели шпанскиот селектор Луис де ла Фуенте.
👥🇪🇸⚽️
Estos son los 24 futbolistas elegidos por 𝗟𝘂𝗶𝘀 𝗱𝗲 𝗹𝗮 𝗙𝘂𝗲𝗻𝘁𝗲
🆚 Georgia
🆚 Chipre↪️ Clasificación para la #EURO2024#VamosEspaña pic.twitter.com/gtOSEzbSqU
— Selección Española de Fútbol (@SEFutbol) September 1, 2023
