Утрински Весник
Свет

Вработените на Ајфеловата кула во штрајк: „Никогаш не била во помизерна состојба“

Ajfelova Kula Godine 1889 830x0 1.jpg

Вработените во Ајфеловата кула во Париз во понеделникот ги напуштија своите работни места во знак на протест поради неодржувањето на таа светски позната туристичка атракција, која секоја година ја посетуваат седум милиони туристи, но тие денеска нема да можат да го посетат обележјето на Париз и ќе да биде лишен од погледот од врвот на кулата на „Градот на светлината“.

Вработените тврдат дека Ајфеловата кула е запоставена и дека со неа мора подобро да се управува, приходот е преценет, а трошоците за одржување се потценети, пишува Ле Паризиен.

Web

Ајфеловата кула обично треба да се бојадисува еднаш на секои седум години, но не била бојадисана со нов слој цели 14 години и почнала да рѓосува, изјави синдикалниот претставник Денис Вавасори за Франс инфо.

„Очигледно е дека кулата е во фаза на распаѓање“, вели Вавасори, а дури и вработените кои веќе 30 години работат во компанијата за управување и одржување на „Железната дама“ тврдат дека никогаш не ја виделе во полошо издание.

Кулата која се наоѓа во близина на Сена е изградена за Светската изложба во Париз во 1889 година. Името го носи по Густав Ајфел, францускиот инженер чија компанија ја дизајнираше.

Можете да прочитате

Пекинг го повика Вашингтон да одигра конструктивна улога на Блискиот Исток

Борис Џонсон не ја отфрла можноста да се врати во политиката

Британија наскоро ќе стави на бродовите моќни ласери: „Светот станува се’ повеќе опасен“