На 21 декември 2025 година во 10:40 часот во СВР Скопје било пријавено кривично дело со елементи на насилство. Според пријавата, С.М. (47) од Скопје изјавил дека додека се движел со патничко возило од селото Јурумлери кон скопската населба Драчево, неговиот пат бил попречен од две возила.
Како што било пријавено, од возилата излегле М.С. и уште неколку други лица, кои физички го нападнале оштетениот, при што употребиле и тврди предмети. Во текот на нападот, било оштетено и неговото патничко возило.
Од Министерството за внатрешни работи информираат дека се преземаат соодветни мерки и активности за целосно расчистување и документирање на случајот.
