Утрински Весник
Свет

Во Украина прогласен ден на жалост

Screenshot 2024 07 08 160716.jpg

Во Украина, по вчерашните разорни напади на руските сили при што загинаа 41 човек, а 166 се повредени, денеска е прогласен ден на жалост.

Русија вчера изврши еден од најголемите ракетни напади во изминатите неколку месеци, при што беше погодена и главната детска болница во Киев.

Две лица загинаа кога руски проектил срамни со земја дел од детската болница Охматдит, а потрагата по преживеани под урнатините продолжи денеска во раните утрински часови.

Русија негираше дека цел на нападот била детската болница и тврди дека таа била погодена од делови од украинска ракета за воздушна одбрана, додека Украина соопшти дека пронашла остатоци од руска крстосувачка ракета.

Претседателот на Украина, Володимир Зеленски нападот го оцени како „брутален“, а за рускиот претседател Владимир Путин го нарече „крвожеден криминалец“.

Според Зеленски Русија вчера истрелала повеќе од 40 проектили, оштетувајќи речиси 100 згради во Киев, Дњепар, Криви Рих, Славјанск и Краматорск. 

Можете да прочитате

Колумбија забрани корида – 24info.mk

Се урна балкон, има жртви, 7 деца меѓу повредените во Неапол

По петнаесетдневниот топлотен бран од денеска пад на температурите во Грција