Утрински Весник
Македонија

Во Скопје евидентирани 20 случаи на голема кашлица

На територија на Скопје се евидентирани 20 случаи на голема кашлица, но нивниот број се менува од час во час, изјави за МИА доктор Лулзиме Бајрами од Центарот за јавно здравје. Од кумановскиот Центар за јавно здравје, пак, денеска информираа дека три деца од Куманово, од кои две од исто семејство, се заразени од пертусис, односно од голема кашлица. Се работи за четиригодишно, 13-месечно и 18-месечно дете. Тринаесетмесечното бебе се лекува на клиниката во Козле, 18-месечното е на лекување во приватна клиника, a четиригодишното дете е на домашна терапија. Од вакциналниот пункт „Букурешт“ во Скопје претходно денеска информираа дека по зголемениот број случаи на голема кашлица зголемен е и интересот за вакцинација. Од утрово до 11 часот имавме околу 60 дечиња вакцинирано. Ако вообичаено бројките на дневно ниво ни се меѓу 20 и 30, денеска и тоа засега, бројката ни е двојно поголема. Тука е нели стравот на родителите, но и мерката за забрана во градинките за невакцинираните“,  изјави утринава Сања Цилевска-Младеновска, доктор педијатар.

Можете да прочитате

ВМРО-ДПМНЕ: На СДС и ДУИ како малку да им беше што го уништија стандардот на граѓаните, па во заминување ги зголемуваат цените во Катастар и до 300%

СДСМ: Поголеми плати во новиот мандат, 1.000 евра просечна и 600 евра минимална плата

РАНА НАЈАВА: Во Склоп на длабокиот циклон од северозападна Европа, влажен бран ќе ја зафати и Македонија!