Утрински Весник
Свет

Во Индија падна огромен билборд, загинаа 14 лица

Bilbord.jpg

Најмалку 14 лица загинаа, а 75 други се повредени кога врз нив падна билборд поголем од олимписки базен за време на невремето во индискиот финансиски центар Мумбај, соопштија властите во вторникот.

Видеоснимката од понеделникот покажа дека билбордот се тресе од ветрот пред да удри во куќи и бензинска пумпа до прометниот пат во источното предградие Гаткопар. Градот го зафати невреме што ги запре патниот сообраќај и летовите на авионите.

Локалните власти соопштија дека најмалку 75 повредени лица се пренесени во болница по несреќата и дека 31 оттогаш се пуштени.

Агенцијата во чија сопственост е билбордот немала дозвола од надлежните да го постави, соопшти локалната власт. Панелот беше речиси 1.300 квадратни метри, што е девет пати повеќе од максималната дозволена големина. Агенцијата доби наредба веднаш да ги отстрани сите свои билборди.

„За да не се повторат вакви несреќи, наредена е структурна проверка на сите складишта во Мумбај за веднаш да се отстранат опасните“, рече Екнат Шинде, шеф на државата Махараштра.

Околу 25 лица сѐ уште се заробени под билбордот, а акцијата за спасување продолжува забавена од близината на бензинската пумпа.

Можете да прочитате

Воениот кабинет на Израел вечерва ќе разговара за договорот за ослободување на заложниците

ОН: Над 670 луѓе загинаа во лизгање на земјиштето во Папуа Нова Гвинеја

(ВИДЕО) Судир меѓу демонстрантите и полицијата во Тел Авив: Толпата побара оставка од Нетанјаху