Утрински Весник
Свет

Во Германија веќе никој не сака да живее во центар, сите бегаат во предградијата

Berlin 1.jpeg

Поради високите цени во центрите на градовите, се повеќе луѓе се свртуваат кон предградијата во потрага по недвижен имот, било да е тоа за купување или за изнајмување. Поевтино е да се најде стан или куќа на периферија, а помага и природната средина која е попогодна за граѓаните

Според студијата на порталот за недвижности ImmoScout24, на почетокот на 2024 година, за прв пат, повеќе жители на седумте најголеми германски градови барале стан за изнајмување во предградијата (41,9 проценти) отколку околу центарот на градот (35,8 проценти). Сите области кои се оддалечени до 50 километри од центарот на градот се нарекуваат предградија.

Минатата година ситуацијата беше обратна. На почетокот на 2023 година, 43,8 отсто од нив барале недвижен имот низ центарот на градот, а само 35 отсто во предградијата. Ова е најголемата промена во последните пет години, според ImmoScout24.

„Повеќето луѓе веќе не можат да најдат прифатливи станови за изнајмување во големите градови. Тие се принудени да ја прошират својата потрага до периферијата“, објаснува Геса Крокфорд, директор на порталот ImmoScout24, пишува Tagesschau.

Овој тренд станува се почест во четири германски градови, а особено е забележлив во Берлин. Во главниот град уделот на луѓе кои сакаат да изнајмат стан во центарот на градот е намален за речиси 20 процентни поени во последните пет години.

Во Минхен е 50,2 отсто, а секое друго барање се однесува на периферијата на градот. За прв пат од оваа година, поголемиот дел од пребарувањата во Келн беа поврзани со предградијата; дури 42,2 отсто од барањата за пребарување. Само 35,6 отсто од пребарувањата за изнајмување биле за центарот на градот.

Во Штутгарт само 30,3 отсто од станарите барале куќи или станови во центарот на градот и дури 43,8 отсто од нив во предградијата. А 17,2 отсто биле барања за рурални средини, што е за 5,1 процентен поен повеќе од националниот просек.

Истражувањето спроведено од Imoscout24 укажува на ограничената понуда и високите кирии во градовите како причини за зголемената популарност на предградијата. Но, зголемената побарувачка за станови и куќи за кирија предизвикува и таму да растат цените. Според анализата на порталот Immoscout24 од есента минатата година, кириите на станови во предградијата на Берлин и Штутгарт дури пораснале посилно отколку во центарот.

Можете да прочитате

Русија и Јордан предупредуваат на опасност од регионална ескалација

Директните напади меѓу Иран и Израел завршија

Гутереш: Крајно време е да се запре опасниот циклус на одмазда на Блискиот Исток