Во Брисел со присуство на Германија се одржа тајна средба меѓу советниците за надворешна политика на лидерите на Грција и Турција со цел нормализирање на билатералните односи меѓу двете земји, јавија денеска грчките медиуми.
Весникот „Катимерини“ пишува дека на 16 декември претставничката на Грција, Ана-Марија Бура, се сретнала со турскиот функционер Ибрахим Калин, во присуство на Јенс Плотнер, советник на германската канцеларка за надворешни работи.
Според весникот, средбата била одржана во германската мисија на ЕУ без предуслови од ниту една страна.
Турција и Грција во изминатите неколку децении се спорат околу голем број прашања, вклучувајќи го Кипар, правата за истражување во источниот Медитеран и демаркацијата на поморските граници.
Турција постојано ја обвинУва Грција дека распоредува оружје на островите во Егејското Море, што го прекршува Договорот од Лозана од 1923 година.
