Утрински Весник
Македонија

ВМРО-ДПМНЕ: Одговорност за случајот Онишченко мора да се бара во врвот на власта

ВМРО-ДПМНЕ: Владата на Ковачевски дава македонско државјанство на шпионот и олигарх Онишченко, одговорност и оставки мора да има

Скандалот со доделувањето на државјанството на Онишченко покажува дека е нарушена безбедноста на Македонија и нејзиниот меѓународен имиџ, велат од ВМРО-ДПМНЕ преку соопштение.

dobivaj vesti na viber

„Одговорност за оваа афера треба да се бара до самиот врв на власта, односно до премиерот Ковачевски, министерот за внатрешни работи Спасовски и директорот на АНБ Димовски. Да потсетиме дека кога излезе случајот во јавноста и Ковачевски и Спасовски истиот го релативизираа и оправдуваа, за после соочувањето со реакцијата на јавноста невешто да сменат мислење. Затоа истрагата треба да се прошири и да се утврди дали тие знаеле и го одобриле доделувањето на државјанство на Онишченко кој што се наоѓа на црната листа на САД. Оттука логично се поставува прашањето колку случаи како Онишченко одобрила оваа власт, колку криминогени ликови добиле македонско државјанство и колку пари заработиле тие кои тоа го аминувале?

Web

Јасно е дека власта на СДС и Ковачевски ќе пробаат овој случај да го забошотат и да побараат одговорност на некој службеник или чиновник исто како што тоа го сторија и со скандалот со 215 официјални пасоши доделени на белосветски мафијаши убијци и терористи.

Нервозата во власта станува се поголемо, а со тоа и нивните грешки се се поголеми. За овој случај како и за сите други мора да има одговорност“, се наведува во соопштението на ВМРО-ДПМНЕ.

Можете да прочитате

Османи: Ќе работам за укинување на визите со САД

Ванковска: БРИКС е еден од одговорите на она дека немаме друга алтернатива

ЗНМ и ССНМ: ОЈО да ја отфрли неоснованата кривична пријава на МВР кон новинарот Салиу