Ковачевски и Зечевиќ мора да одговорат дали и каква улога имал Зарко Милошевски, новиот директор на АНБ, пулен на Зечевиќ и Ковачевски, во скандалот со нелегалното прислушување во 2015-та година? УБК во 2015-та година беше дел од МВР со полициски овластувања во состав на правосудна полиција да собира докази и гони сторители на кривични дела против државата, а Зарко Милошевски во 2015-та година е началник на единицата за екстремизам, односно еден од началниците од тимот на тогашниот директор на УБК, изјави на денешната прес-конференција Наум Стоилковски, портпарол на ВМРО-ДПМНЕ.
Стоикловски истакна дека Ковачевски и Зечевиќ повторно одмолчеа за што е награден Зарко Милошевски со директорското место во АНБ и дали е тоа за државјанството за Онишченко? Одмолчеа и на прашањата за улогата на Зарко Милошевски на 9-ти мај 2015-та година и дали е негова одговорноста за лошата проценка на УБК каде што Зарко е началник на единицата за екстремизам? Молкот за овие прашања повторно фрла сенка и гради недоверба во безбедносниот систем и него го прави порозен!
Македонија тоне од криза во криза, заради партизација на клучните институции, криминалот и високата корупција, изјави Стоилковски.
