Денвер Нагетс славеа победа против Лос Анџелес Лејкерс со 108:103 во вториот натпревар од финалето на Западната конференција.
Никола Јокиќ го забележа седмиот трипл-дабл во овогодинешниот плеј-оф, но најголемаи засули за победата има Џамал Мареј.
Мареј одигра катастрофални три четвртини, но во четвртата беше брилијантен. Канаѓанецот постигна 23 од своите 37 поени во четвртата четвртина.
Јокиќ натпреварот го заврши со 23 поени, 17 скока и 12 асистенции, а интересно е што не постигна кош во последниот период. Јокиќ три четвртини ги влечеше Нагетс, а потоа во четвртата му ја препушти лидерската улога на Мареј.
Џамал погоди речиси се, а Денвер успеа да го скрши отпорот на Лејкерси кои три четвртини беа подобриот тим на теренот. Во втората четвртина Лејкерси имаа и двоцифрена предност (42:52)
Кај Лејкерси, Ривс и Џејмс постигнаа по 22 поени, Хачимура 21, а Дејвис 18, но со очајни 4-15 од поле.
