На стриминг-платформата „Нетфликс“ пристигна нова ‘тру крајм’ документарна серија од три дела со наслов The Murdaugh Murders: A Southern Scandal.
Во центарот на крими-документарецот базиран на вистински факти е Алекс, адвокат од Јужна Каролина и глава на семејството, кому моментално му се суди за убиство на сопругата и синот.
Семејството Мурдо е бескрупулозна династија која со години ги користи своите пари и моќ за да прави што сака и мислела дека може да се извлече дури и со брутални убиства.
Серијата од три епизоди е мрачен приказ на животот на привилегираните моќници и едно од најистакнатите семејства во Јужна Каролина и ќе фрли светлина врз нивните мрачни тајни и злосторства.
