„Зачудува нивото на информираност на министерот за економија, Бектеши, во однос на фирмата на внукот на неговиот партиски лидер Ахмети. Очигледно тој има двојна функција и министер во Владата и портпарол на фирмите на семејството Ахмети“, вели Марија Митева, портпарол на ВМРО-ДПМНЕ.
„Фирмата на внукот Ахмети треба да ја посети Обвинителството, а не претседателот Мицкоски. И притоа да се провери како дваесетгодишник има неколку десетици милиони евра, дали плаќа данок и како кланот од Зајас стана мултимилионер.
А што се однесува до посетите, во периодот што следува јавноста ќе биде запознаена со многу движни и недвижни ствари во посед на кланот од Зајас. Се надеваме и тогаш колку и сега министерот за економија Бектеши срдечно ќе има желба да ги посети“, изјави Марија Митева, портпарол на ВМРО-ДПМНЕ.