Претседателот на Кина и премиерот на Канада беа фатени како имаат необичен разговор на маргините на самитот на Г-20 на Бали, пишуваат медиумите во регионот.
Шји Џјинпинг е снимен како изразува загриженост дека сè за што разговарале тој и Трудо завршило во медиумите.
„Сè за што разговаравме заврши во весниците, не е убаво“, се слуша како претседателот на Кина му кажува на Трудо преку преведувач.
The Cdn Pool cam captured a tough talk between Chinese President Xi & PM Trudeau at the G20 today. In it, Xi express his displeasure that everything discussed yesterday “has been leaked to the paper(s), that’s not appropriate… & that’s not the way the conversation was conducted” pic.twitter.com/Hres3vwf4Q
— Annie Bergeron-Oliver (@AnnieClaireBO) November 16, 2022
Укорот, според написите, не завршува тука.
„Тоа не е начин за разговор, ако има искреност од ваша страна“, вели Џјинпинг.
„Па, јас верувам во слободен, отворен и искрен дијалог што ќе го продолжиме. И ќе продолжиме да работиме конструктивно заедно“, рече Трудо.
„Но, ќе има работи за кои нема да се договориме а ќе мораме“, додаде Трудо.
„Прво да создадеме услови“, додава кинескиот претседател.
Острата размена, како што анализираат медиумите, дојде еден ден откако Трудо изрази длабока загриженост за мешањето на Кина во канадските активности, за кое се верува дека е поврзано со мешањето во изборите во 2019 година.
Трудо и Шји разговарале и за војната во Украина, Северна Кореја и важноста на самитот за климатски промени во Монтреал, кој ќе се одржи во декември, додава извор за „Ројтерс“.
