Полицијата во Кенија денеска се судри со демонстрантите во главниот град Најроби, во новата рунда протести повикани од лидерот на опозицијата, Раила Одинга.
Демонстрантите утринава подигнаа барикади на главните патишта во Најроби и фрлаа камења врз полицијата, која одговори со солзавец, пренесе АП.
Демонстрантите запалија автобус, a движењето беше парализирано во округот Кисуму, упориште на опозицијата, додека полицијата се судри со демонстрантите.
BREAKING NEWS !!!
The stage managed bus torching by the state hired hired goons has turned out as the biggest fail of #MaandamanoTuesday @HonMoses_Kuria ,@MikeSonko and @rigathi you can do better…
Pastor Ezekiel Odero pic.twitter.com/NRgK8fLtCB
— Movement for Defense of Democracy (MDD) (@MDD_KENYA) May 2, 2023
Опозицијата ги повика властите да се справат со економската криза и да ја реформираат изборната комисија која ги надгледуваше минатогодишните избори, на кои победи претседателот Вилијам Руто.
Опозицискиот лидер Одинга го отфрли ставот на владата дека денешните протести се незаконски и ги повика приврзаниците да излезат во голем број, велејќи дека протестите ќе бидат мирни.
Шефот на полицијата ги забрани протестите, велејќи дека претходните протести биле насилни и доведоа до грабеж на бизниси. Во понеделникот, Руто ги предупреди поддржувачите на опозицијата да не уништуваат приватна сопственост и го повика Одинга да го преиспита враќањето на разговорите.
Одинга ги откажа протестите за време на Рамазан за да го отвори патот за предложените разговори на Руто.
Опозицијата одби да дозволи во преговорите да учествуваат одредени политичари предложени од владејачката партија. Разговорите во меѓувреме беа прекинати, а опозицијата најави дека ќе продолжи со уличните протести.
