Доделувањето на оскарите беше вечер на Лејди Гага – без разлика што таа не беше наградена. Како и секогаш, таа беше модната победничка на вечерта, каде на публиката и приреди гламур, сексипилност и изненадување.
Лејди Гага првпат се појави во брутален фустан на Версаче, кој изгледаше многу необично. Горниот дел од проѕирен корсет создаде совршени контури на фигурата, а долниот дел, здолниште со спуштен струк, беше луксузно и гламурозно.
Откако доминираше на црвениот тепих, Лејди Гага направи уште едно изненадување. Таа изведе драматична трансформација кога ја отпеа нејзината песна „Hold My Hand“, менувајќи го фустанот и шминката за маица и фармерки.
Таа излезе на сцената во широка црна маица, искинати фармерки и стари чизми, ја отстрани шминката од лицето, а потоа седна на стол и ја отпеа насловната нумера на новиот филм „Топ Ган“.
Гага на Оскарите имаше номинирана и за најдобра авторска песна, токму за споменатата песна, но овој пат остана без награда.