Актерот Џереми Ренер открива дека избрал да преживее откако беше тешко повреден во несреќа со плуг за чистење на снег.
Ѕвездата на „Марвел“ скрши повеќе од 30 коски кога се обиде да спречи возилото да го прегази неговиот внук на Нова година.
Во своето прво ТВ-интервју по несреќата, тој вели: „Избрав да преживеам, нема да ме убие, никако“.
И покрај повредите, Ренер вели дека би го направил тоа повторно, затоа што плугот се движел кон неговиот внук.
Ова се коментари на актерот што можат да се видат во трејлерот за интервјуто, кое целосно треба да се емитува на 6 април на американската мрежа Еј-би-си.
Ренер бил примен во болница во критична состојба со тапи трауми на градниот кош и ортопедски повреди откако го прегазил неговиот плуг за чистење снег Sno-Cat.
Актерот се обидувал да го спречи плугот да не удри во неговиот внук откако почнал да се тркала по удолницата, без никој да управува со него.
Запрашан дали може да се сети на болката, Ренер потврди дека бил буден во секој момент кога машината тешка седум тони го згмечила.
„Изгубив многу месо и коски во ова искуство, но се наполнив со љубов и титаниум“, се пошегува тој.
