Центарци и утрово останаа без парно греење и со ладни радијатори. Иако вчера беше соопштено дека проблемот со парноводот е саниран и дека се нормализира дистрибуцијана на топлинска енергија, утрово температурите во домовите кои се греат на парно не ги добија загарантираните 20 – 21 степен целзиусов согласно договореното.
Пред два дена речиси сите општини во Скопје останаа без греење откако беше пријавен дефект односно големо истекување на вода од системот. Според соопштението на ЕСМ тогаш проблемот настанал кај магистралниот вод А но рекоа дека се работи на негово санирање и нормализирање на состојбата.
Вчера пак информираа дека интервенцијата била завршена во текот на ноќта и дека во тек се активности за повторно полнење на топловодите, а испораката на топлина полека се нормализира со што како што рекоа ќе се обезбеди стабилно и непрекинато снабдување за сите потрошувачи.
