Воздухопловните сили на Украина соопштија дека ќе направат сѐ што може за да помогнат во истрагата за ракетната несреќа во Полска, во близина на границата со Украина, во која загинаа две лица.
„Она што се случи беше дека нашата противвоздушна одбрана одговори на воздушниот напад“, изјави денеска Јуриј Ихнат, портпарол на украинските воздухопловни сили и додаде: „Сѐ што се случи потоа – дали тоа е руска ракета или остатоци од и двата проектили што паднаа на земја – тоа треба да се утврди на самото место. И тоа е она што се случува во моментот“.
„Сѐ што се случи вчера, јасно, е последица на војната“, рече тој додавајќи: „Важно е да се постигне правна процена. Процесот е во тек, експертите истражуваат. Важно е да се утврди каков вид остатоци од проектил има на самото место, не треба да биде претерано тешко“.
