Сергиј Хајдај, украинскиот гувернер на областа Луганск, која е целосно под контрола на руските сили, изјави дека украинските сили напредуваат кон предградието на Лисичанск.
Хајдај изјави дека жителите виделе украински војници во близина на предградијата.
Како што рече, во текот на ноќта, украинските војници го подигнале украинското знаме над Кремин, град во близина на Северодоњецк. Тој додаде дека „руските окупатори и нивните соработници масовно ги напуштаат населените места во регионот на Луганск“.
Во меѓувреме, Олександр Журављов, украинскиот градоначалник на окупираниот Лиман во источниот регион Доњецк, за телевизијата Суспилна изјави дека украинските сили водат жестоки битки со руската армија во предградијата.
