Украина ги суспендираше конзуларните услуги за машките државјани на Украина на воена возраст кои живеат во странство до натамошно известување, освен за оние кои треба да се вратат во Украина.
Министерството за надворешни работи на Украина не ја коментираше мерката, која се чини дека има за цел да го зголеми бројот на регрути за војната против Русија. Украинскиот министер за надворешни работи Дмитро Кулеба изјави дека украинската влада наскоро ќе издаде објаснување во врска со конзуларните услуги за воено способни мажи во странство.
„Останувањето во странство не го ослободува граѓанинот од обврските кон неговата татковина“, рече Кулеба во објавата на X. Како што објави Униан, Кулеба додаде дека заштитата на правата и интересите на украинските граѓани во странство отсекогаш била и останува приоритет на МНР, но дека сега излегува дека мажите на воена возраст кои заминал во странство не ги засега прашањето за преживување на државата, а во исто време доаѓаат и сакаат да добиваат услуги од државата.
„Ако тие луѓе мислат дека некој таму, далеку на фронтот, се бори и го дава животот за оваа земја, а некој седи во странство, а во исто време добива услуги од оваа земја, тогаш тоа не функционира така ,” тој рече.
