Утрински Весник
Македонија

Учениците на пролетен распуст, наставата ќе продолжи на 7 мај

D0b7d0b0d0b2d180d188d0b8 D0b7d0b8d0bcd181d0bad0b8d0bed182 D180d0b0d181d0bfd183d181d182 D183d187d0b5d0bdd0b8d186d0b8d182d0b5 D0bed0b4 63cd8b7178165.jpeg

Учениците од основните и средните училишта од денеска заклучно со 6 мај 2024, ќе бидат на пролетен распуст кој е воведен во оваа учебна година. Првпат има промена и во календарот за настава, така што 2023/2024 за основците ќе заврши на 17 јуни, а за средношколците, како и во минатите години – на 10 јуни. 

Училиштата нема да работат на 8 мај (среда) кога ќе се одржуваат вториот круг од Претседателските избори и Парламентарните избори 2024. 

Ден претходно, вторник 7 мај, скратени часови и работно време до 11 часот ќе имаат оние училишта каде што утредента ќе се организира гласањето.

Како што информираше Министерството за образование и наука, наставата од деновите кои поради изборите се неработни ќе бидат одработени во работни денови со подолг престој на учениците во училиштата за да се реализираат дополнителни часови.

Скопските ученици треба да надоместат и за пропуштеното од наставата на 30 ноември 2023 кога во главниот град беше организиран Советот на министри на ОБСЕ. 

За планирањето и организирањето на дополнителните часови, МОН ги задолжи директорите на училиштата. 

– Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците, соопшти МОН кое, по реакции во јавноста и од синдикатите, ја повлече претходната одлука пропуштеното да се надомести во саботи.

Можете да прочитате

Продолжен е рокот за регистрација за изборите за претседател на СДСМ

Ќе треба ли да се случи најлошото: Секој од моите колеги пожарникари работи “еден за тројца”, а секое заменичко министерско место расте

Скопјанец e уапсен – агресивен кон полицајци во пункт за сликање за лични документи