Утрински Весник
Свет

Уапсени уште четири лица во врска со неуспешниот пуч во Боливија

Bolivija.png

Боливиските власти соопштија дека уапсиле уште четворица воени офицери во врска со обидот за државен удар во средата на одметнатиот генерал против претседателот Луис Арсе, со што бројот на уапсените се зголеми на 21.

Еден од високите функционери на боливиската влада, Едуардо дел Кастиљо, изјави дека меѓу приведените е и возачот на тенкот кој постојано удирал со тенкот во вратата на владиниот штаб во Ла Паз, како и поранешен капетан на коњаницата, обвинет за давање наредби на војниците кои го зазедоа Муриљо, централниот плоштад во главниот град на Боливија.

„Овие луѓе командуваа за уништување на боливиското наследство“, рече Дел Кастиљо.

Обидот за пуч беше режиран од Хуан Хозе Зунига, кој до неговото апсење во средата беше врховен командант на вооружените сили на Боливија.

Зунига тврдеше, без да обезбеди докази, дека претседателот Арсе му наредил да лажира бунт со цел да ја зајакне својата нарушена популарност поради економските проблеми и зголеменото јавно незадоволство.

Арсе синоќа категорично ги отфрли обвинувањата дека направил „авто-пуч“ за да добие политичка поддршка.

Можете да прочитате

Онколошка болница во Атина враќа дел од Ковид мерките

„Политико“: Шефовите на дипломатиите на ЕУ планираат бојкот на Самитот за надворешни работи на Орбан 

Каја Калас поднесе оставка од функцијата премиер на Естонија